By Pastor Reynante M. Trinidad
Date: September 4, 2025
Stronghold to Break: Materialism and Misplaced Security
Scripture Focus
1 Timothy 6:6–7 (NIV) —
“But godliness with contentment is great gain. For we brought nothing into the world, and we can take nothing out of it.”
Daily Bible Reading
Philippians 4:10–13
Illustration
Isipin mo ang isang taong hawak ang isang kahon na puno ng pera at kayamanan—pero sa huli, wala siyang madadala pag-alis niya sa mundo. Samantala, ang isa namang simpleng mananampalataya ay puno ng kapayapaan, kagalakan, at layunin—mga bagay na walang hanggan. Sino ang mas tunay na mayaman?
Devotional Reflection
Hindi masama ang yaman, pero maling i-base ang ating seguridad dito. Ang tunay na kayamanan ay hindi masusukat sa pera, ari-arian, o posisyon. Kay Cristo, mayroon tayong kayamanang hindi kayang nakawin, sirain, o mawala (Mateo 6:20).
Si Pablo, kahit sa gitna ng kakulangan at kasaganaan, natutong maging kuntento sapagkat ang lakas niya ay si Cristo. Ito ang sekreto ng tunay na prosperity: hindi ang dami ng hawak mo, kundi ang kung sino ang humahawak sa’yo.
Kapag alam mong kay Cristo ka kumpleto, kaya mong humawak ng yaman nang walang takot, at kaya mo ring mawalan nang walang kawalan. Dahil ang tunay na yaman ay Siya mismo.
Prayer Points
Personal Prayer Points
- Pasalamatan ang Diyos para sa lahat ng spiritual blessings kay Cristo.
- Hilingin ang pusong marunong makuntento at hindi alipin ng materyal na bagay.
- Basagin ang tukso ng materialism at insecurity sa finances.
- Ipanalangin ang pananaw na nakatuon sa eternal riches kaysa temporary gains.
- Sabihin sa Diyos na Siya ang iyong pinakamahalagang kayamanan.
Congregational Prayer Points
- Ipanalangin na ang simbahan ay maging modelo ng godliness with contentment.
- Idulog ang mga miyembrong kumakaharap sa financial comparison at pressure.
- I-declare na ang kultura ng simbahan ay naka-sentro kay Cristo, hindi sa materialism.
- Ipanalangin ang testimonies ng kapayapaan at kagalakan sa gitna ng kakulangan.
- Hilingin na gamitin ng Diyos ang simbahan bilang ilaw ng tunay na kayamanan sa mundo.
Prayer of Breaking & Releasing
Ama, tinatalikuran ko ang kasinungalingan na ang aking halaga ay nakabase sa pera o ari-arian. Binabasag ko ang spirit ng materialism at insecurity. Tinatanggap ko na kay Cristo ako tunay na mayaman. Turuan Mo akong maging kuntento at matutong magtiwala sa Iyo sa lahat ng panahon. Ikaw ang aking tunay na kayamanan. Sa pangalan ni Jesus, Amen.
Faith Declaration
“My true riches are in Christ. I live with contentment, peace, and eternal purpose.”
Reminder
Wealth fades, but Christ remains.
Ang tunay mong kayamanan ay hindi nasusukat sa laman ng iyong bank account kundi sa Kanyang presensya.
Nasaan ang yaman mo ngayon? Nasa mundo ba, o nasa Kanya?
Journal Prompt
Ano ang isang bagay na inaasahan mong magbibigay ng seguridad—pero kailangan mong palitan ng tiwala kay Cristo?
Isulat ito at gawin ang prayer of surrender: